Кремљ денеска призна дека руската армија има проблеми со опремата, на што неодамна алудираше и рускиот претседател Владимир Путин.
„Сите слушнавте што рече претседателот на состанокот на Координативниот совет. Навистина има проблеми со опремата“, изјави денеска портпаролот на Кремљ, Дмитри Песков.
Според него, дел од проблемите сè уште постојат, но тие се решаваат.
„Се преземаат мерки за отстранување на овие проблеми“, рече Песков
Потсетиме дека Путин вчера изјави дека „опремата на руските војници мора да биде модерна и ефикасна“ за да ги исполни барањата на руската „специјална воена операција“ во Украина. Тој, исто така, ја повика руската влада да го „забрза донесувањето одлуки“ за производство на воена опрема.
