Во просториите на Фудбалската федерација на Македонија денеска беше извршена полуфиналната жрепка за Купот на Македонија.
Иако полуфиналистите беа познати уште во ноември, ФФМ чекаше дури до денеска за да ја направи жрепката.
Со оглед на тоа што се игра само еден натпревар без реванш, може слободно да се каже дека фортуната беше наклонета кон екипите на Струга и Шкендија, бидејќи беа извлечени да бидат домаќини.
Лидерот во 1.МФЛ за противник го доби ланскиот финалист и трикратен освојувач Силекс, додека Шкендија ќе му биде домаќин на бранителот на тронот, екипата на Македонија ЃП.
Полуфинални двојки:
Струга - Силекс
Шкендија - Македонија ЃП
Интересно, но ваквата жрепка може да резултира во финалето да се сретнат истите два клуба кои го сочинуваа и минатосезонското финале, Македонија ЃП и Силекс. Се разбира, доколку на гостински терен успеат да ги елиминираат своите противници.
Полуфиналните натпревари ќе се играат на 5 април (среда).
Од четирите полуфиналисти единствено Струга нема играно финале, додека останатите три имаат и куп титула (Силекс 3 титули, Македонија ЃП и Шкендија по 2).
