Според The Daily Express, наградуваниот режисер, кој моментално работи на филмот The Movie Critic, сака да му даде на Вилис мала улога.
Ова не би било прв пат двајцата да работат заедно. Тие соработуваа во култниот Pulp Fiction во 90-тите. Три децении подоцна, Тарантино сака да му оддаде последна почит на славниот актер.
„Квентин сè уште не разговарал со семејството на Брус, но ќе ги почитува нивните желби доколку кажат дека е премногу болен“, рекол извор од продукцијата, цитиран од Unilad.
Дејството во претстојниот филм, за кој Тарантино рече дека ќе му биде последен, ќе биде сместено во доцните 70-ти во Јужна Калифорнија. Ако Вилис не може да учествува, Тарантино наводно има намера да вметне краток клип од еден од неговите претходни филмови во филмот.
Тарантино веќе две децении успева да ги привлече најпосакуваните актери, работејќи со Леонардо Дикаприо и Бред Пит по два пати. Тој го режираше Кристоф Валц во улоги што му донесоа два Оскара на актерот, а Семјуел Л. Џексон му е чест соработник. Ако ова навистина е неговиот последен филм, нема да му недостигаат актери кои би одбиле сè за да добијат улога кај него.
Да потсетиме, на Брус Вилис (67) во март годинава му беше дијагностицирана афазија, по што неговото семејство објави дека тој се повлекува од светот на актерството поради здравствени проблеми. Афазијата е болест предизвикана од оштетување на мозокот што резултира со оштетување на когнитивните функции. Ова може да доведе до тоа засегнатите луѓе да развијат проблеми со зборувањето, пишувањето, читањето и разбирањето на јазикот.
