Стратегот на клупата на Челси смета дека не е праведно предност при тестирање за COVID-19 да имаат фудбалерите наместо оние кои се во првите борбени редови.
Идеајата на Премиер лигата за продолжување на сезоната е сите фудбалери да бидат редовно подложни на тестови. Тоа ќе значи дека во фудбалот ќе одат голем дел на тестови. Но, според Лампард, играчите да имаат предност пред лекарите е незамисливо.
„Здравјето и безбедноста на играчите и оние околу нив е најважно. Практикуваме спорт во кој има контакт и кој очајно сакаме повторно да го видиме. Тоа е еден вид на бегство од реалноста: да гледаме фудбал, да играме и да тренираме“, вели Френк во интервју за BT Sport.
„Не ги знам бројките на тестови наменети за за луѓето од Националниот здравствен сервис (НХС), луѓе кои вршат неверојатна работа изминативе два месеца. Не мислам дека е во ред, не само јас туку сите, доколку не се погрижиме тие што што се во првите борбени редови да имаат предност при тестирање“, смета тој.
Сите 20 премиерлигаши во петокот одржаа видео-конференција на која се дискутираше за начинот на продолжување на сезоната.