Сликата на врвот Матерхорн повеќе нема да ја има на чоколадите Toblerone поради новите строги швајцарски закони.
Препознатливата триаголна швајцарска чоколада Тоблероне го губи имиџот на планината Матерхорн од своето брендирање бидејќи производството наскоро веќе нема да се базира исклучиво во Швајцарија. Наместо тоа, новата обвивка ќе има генерички планински дизајн, откри американскиот сопственик, брендот за слатки Mondelēz.
Компанијата претходно одлучи од крајот ан 2023 година да префрли некои од погоните за производтсво на Toblerone во словачкиот главен град Братислава. Таму веќе се призведува брендот чоколади Milka.
„Редизајнот на пакувањето воведува модернизирано и рационализирано планинско лого кое се усогласува со геометриската и триаголната естетика“, изјави портпаролот на Mondelēz за швајцарскиот весник Aargauer Zeitung. Ознаката „Toblerone – of Switzerland“ (Тоблероне – од Швајцарија) ќе биде заменета со „Established in Switzerland“ (Основана во Швајцарија), изјави портпаролот. На новата обвивка, наводно, ќе стои и потписот на нејзиниот основач, Теодор Тоблер.
Според Swissness законодавството воведено од Швајцарија во 2017 година, млекото и производите на база на млеко треба целосно да се произведуваат во земјата за во нивниот маркетинг да се користат националните симболи. Исклучок е за какаото бидејќи не може да се набави локално. За другите прехранбени производи да се продаваат како „made in Switzerland“ (произведено во Швајцарија), 80% од суровините мора да бидат набавени од земјата и поголемиот дел од преработката мора да се одвива таму.
Чоколадото Toblerone, кое се состои од нугат, бадеми и мед, се произведува во швајцарската престолнина Берн, позната и како Град на мечките, од 1908 година. Судбината на мечката што се качува на 4.478 метри високата планина Матерхорн во сегашното лого на Toblerone, останува непозната.
Mondelēz е една од ретките големи западни компании кои останаа да вршат бизнис во Русија по санкциите воведени врз оваа земја. Во Русија генерира 3,5% од годишниот приход (приближно 1 милијарда долари).
Покрај брендовите Toblerone и Milka, компанијата под закрила ги има и колачињата и крекери Oreo, Belvita, Chips Ahoy!, Ritz, TUC, Triscuit, LU, Club Social, Sour Patch Kids, Barny, Peek Freans и Tate's Bake Shop; чоколадите Côte d'Or, Cadbury, Green & Black's, Freia, Marabou, Fry's, Lacta и Alpen Gold; гимите за џвакање и бонбони Trident, Dentyne, Chiclets, Halls и Stride; како и пијалакот во прав Tang.