Лос Анџелес Лејкерс конечно се ослободија од Расел Вестбрук, но можат само делумно да бидат задоволни од завршената работа.
Лејкерс неодамна пропуштија голема можност да го испратат Расел Вестбрук во замена за Кајри Ирвинг, а денеска го испратија поранешниот МВП во размена на играчи со Минесота и Јута.
Да потсетиме, Лејкерс му го понудија на Бруклин Вестбрук и два пика за Ирвинг, по што Нетс побараа уште двајца играчи, на што Лејкерс не се согласија. Далас го искористи тоа и ги испрати Спенсер Динвиди и Доријан Фини-Смит и им го украде Ирвинг од пред нос на Лејкерс.
Сега Лејкерс успеаја да се ослободат од Вестбрук, но во замена добија многу полош кошаркар од Ирвинг.
Имено, во Лејкерс пристигна Д'Анџело Расел, кој кариерата ја започна во клубот од Лос Анџелес, а по две сезони практично беше исфрлен од тимот во замена за Брук Лопес во 2017 година.
Заедно со Расел, нови играчи на Лејкерс станаа Малик Бисли и Џеред Вандербилт.
Минесота ги доби Мајк Конли и Никеил Александар-Вокер, додека Вестбрук заврши во Јута со Хуан Тоскано-Андерсон и Демијан Џонс.
