Рафиња од Рен плачеше кога требаше да се пресели во Лидс, па Англичаните го послужија со традиционалното јадење Fish and chips за да го развеселат.
Во последните минути од преодниот рок кој заврши синоќа, новиот премиерлигаш Лидс Јунајтед се засили со бразилското крило Рафиња Џиас Белоли кој доаѓа од францускиот Рен. 23-годишниот играч не сакаше да си замине од Рен, а неговите солзи открија дека не по негова желба доаѓа во тимот каде настапува и нашиот Езџан Алиоски.
Со договорот на маса, спремем за потписот на Рафиња, Лидс го пречека и со порција Fish and chips. Убав гест, но дали играч кој не ни сакапше да дојде во Лидс го заслужи тоа?
Рафиња една сезона мина во Рен, ако не се рачуна и почетокот на тековнава во која одигра 6 натпревари. Претходно настапуваше за лисабонски Спортинг, исто така една сезона, а таму дојде од Виторија од Гимараеш. Тоа значи дека од 2018 година Рафиња сменил дури четири градови во три држави. Можеби честата преселба е причината за неговите солзи, а не тоа што доаѓа во Лидс. Инаку, кариерата ја почна во бразилскиот Аваи, а сѐ уште нема настап за репрезентацијата и тоа во ниту една категорија.
