Демијан Лилард беше одличен оваа сезона во дресот на Портланд Трејл Блејзерс, а иако претрпе пораз со својот тим од Њу Орлеанс Пеликанс, сепак постави рекорд.
На овој натпревар Лилард по 13-ти пат сезонава постигна 40 или повеќе поени, надминувајќи го легендарниот Мајкл Џордан. Рекордот се однесува на играчи на возраст од 32 години и постари.
Џордан постигна 40 или повеќе поени на 12 натпревари во неговата последна сезона со Чикаго Булс (1997/1998).
Лилард пред неколку дена постави и рекорд на Портланд кога постигна 71 поен против Хјустон Рокетс.
„Никогаш нема да добијам заслуга за она што го направив ако не освојам титула за Портланд“, изјави Лилард неодамна.
