Стриминг платформата Netflix го смени начинот на кој бараме и гледаме серии засекогаш.
Се чини дека има бескраен избор на нови, возбудливи ТВ-серии од секој агол на светот. Сериите од европска продукција се особено интересни, а Netflix се има потрудено да обезбеди солидна надсинхронизација и титлување.
Од Шведска сега доаѓа нова скокотлива серија насловена „Love & Anarchy“.
Netflix го објави трејлерот од кој ја дознаваме премисата.
Софи, амбициозна консултантка, мажена жена и мајка на две деца, ќе добие работна позиција во стара издавачка куќа каде задачата ѝ е да ја модернизира нејзината работа.
Таму ќе се сретне со малдиот ИТ техничар Макс и тука почнува возбудливата игра.
Софи и Макс флертуваат и си поставуваат предизвици еден на друг, да направат нешта што се косат со општествените норми.
Играта почнува наивно и невино, но како продолжува прераснува во нешто со незамисливи последици.
Премиерата е закажана на 4 ноември.
