Германската авиокомпанија Lufthansa планира да бара компензација од групата климатски активисти Last Generation поради протестите што ги прекинаа летовите на неколку германски аеродроми претходно овој месец.
Портпаролката рече дека компанијата планира да бара компензација во име на сите авиокомпании во групата, која ги вклучува германска Lufthansa, како и Austrian Airlines, Swiss Airlines, Brussels Airlines и Eurowings.
Климатските активисти кои сакаат да ја истакнат важноста на влијанието на воздушниот сообраќај врз загадувањето, се залепија на пистата на аеродромите во Диселдорф и Хамбург на 13 јули.
Групата претходно организираше сличен протест на аеродромот во Берлин во ноември.
Поради овие протести, бројни летови беа откажани или пренасочени.
Eurowings, нискобуџетната компанија во сопственост на Lufthansa, ги обвини протестите за откажување на 55 летови.
Lufthansa веднаш не коментираше колку пари компанијата ќе бара за компензација. Експертот за воздухопловство Џералд Висел за весникот Rheinische Post изјави дека тоа би можело да биде милиони евра.
Аеродромот во Диселдорф, исто така, соопшти дека има намера да поднесе свои барања против Last Generation.
Airlines Condor и Tuifly рекоа дека ги разгледуваат нивните барања, но во понеделникот не коментираа дали имаат намера да поднесат тужба.
Членовите на активистичката група кои беа уапсени на аеродромите остануваат под полициска истрага и се соочуваат и со можни граѓански тужби за отштета.
