Лука Дончиќ не запира со историски трипл-дабл учиноци.
Откако му донесе победа на Далас над Никс со тоа што стана првиот играч по НБА со 60 поени, 21 скок и 10 асистенции, отиде чекор понатаму за триумф над Хјустон (129:114), колку и да звучи нереално.
Но, да почнеме по ред, поточно од полувремето на натпреварот против Рокетс. Дончиќ го заврши со 21 поен и 7 скока и асистенции. Така тој стана само четвртиот играч во последните 25 години кој успеал да има три полувремиња со учинок од 20/7/7. Останатите тројца се Расел Вестбрук, Џејмс Харден и Леброн Џејмс.
На пет минути до крајот на третата четвртина Дончиќ оствари трипл-дабл, негов осми сезонава, со што е најдобар во НБА. За Дончиќ мечот против Хјустон е веќе петти во кариерата во кој толку рано успеа да го постигне овој подвиг. Во последните 25 години од НБА, само седум пати е остварен трипл-дабл во првите три четвртини. Така, дури пет од тие седум рани трипл-дабл учиноци му припаѓаат на Дончиќ.
До крајот, Дончиќ против Хјустон имаше 35 поени, 12 скока и 13 асистенции. Така на последните два натпревари постигна 95 поени, 34 скока и 23 асистенции. Вкупно 151 во трите најважни категории на Дончиќ му го донесоа третото место меѓу оние кои постигнаа вакви подвизи. Првите две ги држи Оскар Робертсон.
Но, со 95 поени во два последователни трипл-дабл натпревари, Дончиќ го постигна она што никој пред него не го постигнал. Тој постигна најмногу поени во последователни трипл-дабл натпревари и го собори претходниот рекордер Расел Вестбрук, кој пред пет години постигна 94 поени два пати во ваквите серии.