Се чини дека Белгиецот Ромелу Лукаку се приклучи на ретките фудбалери кои одбија профитабилни понуди од Саудиска Арабија.
Според извештаите на Sky Sports, Лукаку добил понуда вредна дури 58 милиони евра по сезона од Саудиска Ал Хилал, но триесетгодишниот белгиски репрезентативец решил да ја одбие. Неговата желба е да остане во Интер, каде повторно ја најде вистинската форма на крајот од минатата сезона како позајмен играч од Челси.
Од друга страна, клубот од Олд Трафорд сака да се ослободи од Лукаку, но Calciomercato пишува дека „Сините“ претпочитаат продажба отколку нова позајмица.
Интер наводно е заинтересиран за едногодишна позајмица со обврска да го откупи договорот на крајот од сезоната за 30 милиони евра. Нероаѕурите веќе го доведоа бесплатно Маркус Турам, откако му истече договорот со Борусија М'гладбах, а имаат намера да го задржат Лаутаро Мартинес и на тој начин да формираат импресивен напад.
Доколку Интер треба да го купи Лукаку, ќе треба да собере средства, а моментално Марцело Брозовиќ и Андре Онана би можеле да си одат по солидни суми.