Напаѓачот на Рома, Ромелу Лукаку, на клубови од Саудиска Арабија им се понуди на „културен“ начин изговарајќи неверојатна реченица од која би се засрамил и Кристијано Роналдо.
Откако пред една година пристигна во Саудиска Арабија, Роналдо неколку пати јавно ја пофали силата на саудиската лига.
Претходно најави дека наскоро ќе влезе во „топ пет лиги“, а неодамна изјави дека саудиската лига е посилна од француската Лига 1.
И додека речиси сите во светот не се согласуваат со тврдењето на Роналдо, Лукаку отиде чекор понатаму.
„Во следните две години, ја гледам саудиската лига како една од најдобрите во светот, ако не и најдобра. Клубовите носат ‘големи’ играчи, тие многу се подобруваат. Саудиската лига може да биде најдобра во светот“, рече Лукаку, па ќе видиме дали тие знаат да ги ценат неговите зборови во Саудиска Арабија и да му испратат „понуда што не може да се одбие“.
Лукаку оваа сезона за Рома постигна 15 гола на 26 натпревари и веќе го надмина учинокот од минатата сезона во дресот на Интер, како и настапот во дресот на Челси од претходната сезона.