Францускиот претседател Емануел Макрон се соочи со критики од НАТО сојузот откако изјави дека нема да одговори со нуклеарно оружје ако Русија употреби нуклеарен арсенал против Украина или регионот.
Во интервју за France 2, Макрон изјави дека нуклеарната доктрина на Франција е основа на темелни интереси на нацијата и не би требало директно да бидат погодени ако на пример, дојде до балистички нуклеарен напад на Украина или регионот.
Ретко е лидерите на земји кои поседуваат нуклеарно оружје експлицитно да кажат кога таквото оружје ќе се користи поради децениски старата теорија за одвраќање низ стратешка двосмисленост, со цел да не им се даде можност на противниците за развој на потенцијален план за можни напади.
„Претседателот на Франција говори за себе. Мислам дека нашиот избор е осуда на реториката на Путин, но и подготовка. Не би го коментирала тоа со ‘да’ или ‘не’“, изјави Касја Оленгрен, министерка за одбрана на Холандија.
Франција е една од трите членки на НАТО кои поседуваат нуклеарно оружје и е клучен дел од западното одвраќање на Русија.
Макрон со говорот ги изненади присутните на состанокот на министрите за одбрана на НАТО членките во Брисел, посветен на дискусиите за нуклеарно планирање.
„Не сакаме светска војна. Помагаме Украина да се одбрани, без намера да ја нападнеме Русија. Владимир Путин мора да ја запре оваа војна и да го почитува територијалниот интегритет на Украина“, истакна Макрон.