Откако Мароко им се придружи на Шпанија и Португалија во кандидатурата за организација на Мундијалот во 2030 година, сега сака да има и водечка улога во проектопт со најголемиот стадион во светот.
Владата на Мароко и Фудбалската федерација на оваа земја го потврдија почетокот на изградбата на стадионот „Гран Казабланка“ кој ќе има најголем капацитет во светот од 115.000 седишта. Моментално најголем стадион е „1 Мај“ во севернокорејскиот главен град Пјонгјанг, кој има капацитет од 114.000 седишта.
Проектот го направи американската компанија Populous, изградбата ѝ е доверена на домашната компанија SONARGES, а финансиската проценка за овој стадион е 490 милиони долари. Почетокот на работите доцни три месеци, а планираното отворање на стадионот е планирано за 2028 година.
Најголемиот стадион во светот ќе биде дел од џиновски комплекс со површина од 100 хектари, а оддалеченоста од центарот на Казабланка ќе биде дури 38 километри, но ќе биде во близина на аеродромот „Бен Слиман“. Се очекува по завршувањето на Мундијалот во 2030 година, стадионот да го делат двата големи градски казаблански ривали Видад и Раџа.
Со овој стадион Мароко ќе се надева дека ќе ка добие организацијата на финалето. Инаку, воведните три натпревари ќе се играат во Арегентина, Парагвај и Уругвај, кои ФИФА ги одреди како кодомаќини за да се прослави 100-годишнината од првиот Мундијал кој во 1930 се играше во Уругвај, на кој учествуваше и Парагвај, а во финалето Уругвај со 4:2 ја победи Аргентина.
Португалија
„Да Луж“ (Лисабон) – 64,642
„Жузе Алваладе“ (Лисабон) – 50.095
„Драгау“ (Порто) – 50.033
Мароко
„Гран Казабланка“ (Казабланка) – 115.000
„Принс Мулај Абдалах“ (Рабат) – 69.500
„Ибн Батута“ (Танжер) – 88.000
„Адрар“ (Агадир) – 55.000
„Маракеш“ (Маракеш) – 45.240
„Фез“ (Фес) – 45.000
Шпанија
„Камп Ноу“ (Барселона) – 105.000
„Сантјаго Бернабеу“ (Мадрид) – 85.000
„Метрополитано“ (Мадрид) – 70.000
„Ноу Местаља“ (Валенсија) – 70.000
„Ла Картуха“ (Севиља) – 60.000
„Сан Мамес“ (Билбао) – 53.331
„Риасор“ (Ла Коруња) – 45.000
„Ла Росаледа“ (Малага) – 45.000
„Ла Ромареда“ (Сарагоса) – 42.500
„Нуева Кондомина“ (Мурсија) – 42.000
„Гран Канарија“ (Лас Палмас) – 40.000
„Корнеља-Ел Прат“ (Барселона) – 40.000
„Ел Молинон“ (Хихон) – 40.000
„Балаидос“ (Виго) – 40.000
„Аноета“ (Сан Себастијан) – 40.000