Сопственикот на Twitter, Илон Маск најави дека ќе поднесе оставка од функцијата извршен директор на оваа социјална компанија, откако на анкета корисниците гласаа за негово заминување.
„Ќе поднесам оставка од директорската функција штом најдам некој доволно наивен да се фати за работа. Јас ќе ги водам софтверските и серверските тимови“, напиша Маск на Twitter.
Анкетата што ја спроведе Маск на оваа социјална платформа пред два дена покажа дека околу 57,5 отсто од корисниците на Twitter сакаат тој да поднесе оставка на местото шеф на Twitter, додека 42,5 отсто биле против.
Во анкетата учествувале околу 17,5 милиони корисници на Twitter.
Маск претходно рече дека ќе ги прифати резултатите од анкетата.