Маск одговори на предвидувањата на Медведев за 2023: Забораваш две работи

Сопственикот на Twitter, Илон Маск, одговори на предвидувањата на Дмитриј Медведев за 2023 година.

Поранешниот руски претседател и актуелен втор човек на рускиот Совет за безбедност, Дмитриј Медведев, објави прогноза за наредната година, односно листа на настани што би можеле да се случат во текот на 2023 година, меѓу кои предвиде дека Илон Маск ќе стане претседател на САД.

Тој изјави дека очекува зголемување на цената на нафтата, распаѓање во ЕУ, дека Полска и Унгарија ќе земат дел од Украина. Во својата мрачна визија напиша дека ќе има неколку нови конфликти и дека ќе има „создавање на Четвртиот Рајх врз основа на Германија и сателити кои му се придружија“.

Според Медведев, на повидок е уште една војна, овојпат тоа е американска граѓанска војна, поделбата на Калифорнија и Тексас во независни држави.

„Последователна победа на Илон Маск на претседателските избори во САД во некои од државите кои по граѓанската војна ќе им припаднат на републиканците“, нагласи Медведев и додаде дека финансиските пазари ќе паднат во 2023 година.

На оваа објава реагираше лично Илон Маск, кој најпрвин беше воодушевен од предвидувањата во кои е спомнат и подетално го објасни својот став.

„Ова се дефинитивно најапсурдните предвидувања што некогаш сум ги слушнал, а истовремено покажува и неверојатен недостаток на свест за напредокот во вештачката интелигенција и одржливата енергија“, одговори Маск на Twitter.