Основачот на Tesla, Илон Маск, изјави дека компанијата Amazon треба да биде „растурена“, откако писателот Алекс Беренсон соопшти дека оваа најголема светска платформа за продажба на мало не му дозволила да ја објави својата нова книга за коронавирусот.
„Ова е лудо“, напиша Маск на Twitter, тагирајќи го сопственикот на Amazon, Џеф Безос.
„Време е Amazon да се разбие. Монополите се погрешни“, напиша Маск.
Amazon ја коментираше објавата на Маск, но соопшти дека книгата на Беренсон по грешка била блокирана и дека сега е достапна за продажба преку Kindle.
„Одлуката за тоа дали книгата на Беренсон ќе се стави на продажба не е на Маск“, соопшти Amazon.
Судејќи според фото-пораката што Amazon ја испратил до Беренсон, компанијата го известила писателот дека неговата книга не ги исполнува стандардите за продажба.
Ова не е првпат Маск да дава спектакуларни изјави на Twitter. Последниот пример беше на 1 мај, кога напиша дека акциите на Tesla се прескапи.
Американската Комисија за безбедност и размена во 2018 година го тужеше Маск кога на Twitter напиша дека Tesla ќе ја претвори во приватна компанија кога цената на една акција ќе достигне 420 долари и дека веќе ги обезбедил средствата.
Маск и Tesla платија одделни парични казни во висина од 20 милиони долари во рамки на спогодбата со Комисијата.