Русија ноќеска лансираше 42 беспилотни летала и 6 проектили кон Украина, од кои украинската воздушна одбрана уништи 41, но нивните остатоци оштетија згради, магацини и повредија 11 лица во јужните региони, соопшти денеска украинската армија.
Беа лансирани беспилотни летала „Шахед“, а повеќето од нив беа соборени во регионот на Одеса, соопшти украинското воздухопловство на Telegram.
Украинската војска соопшти дека делови од соборените беспилотни летала оштетиле повеќе од 10 згради во Одеса и повредиле 11 цивили, меѓу кои и три деца.
Војската соопшти дека Русија ја нападнала пристанишната инфраструктура во областите околу Дунав и дека биле оштетени две складишта за жито.