Многу мажи мислат дека еректилната дисфункција сè уште е табу тема, поради што не бараат лекарска помош, а со тоа си го ризикуваат животот.
Секој петти маж на возраст над 40 години страда од еректилна дисфункција, а лекарите истакнале дека ретко кој од нив бара помош. Многумина се водат од фактот дека овој проблем е табу тема, што е една од најчестите причини за негово игнорирање.
Сега е утврдено дека 90% од случаите со еректилна дисфункција се предизвикани од основни здравствени проблеми, а некои од нив може да бидат и фатални.
Импотенцијата има огромно влијание врз самодовербата на мажот, и се одразува на способноста за одржување на здрав сексуален живот. Многу мажи кои страдаат од еректилна дисфункција поради овие причини претпочитаат да не бараат лекарска помош, но тоа може да биде исклучително опасно, имајќи предвид дека состојбата може да биде показател за многу полош проблем.
Еректилната дисфункција може да биде последица на срцеви заболувања и дијабетес. Покрај тоа, срцевите заболувања, високиот холестерол, високиот крвен притисок и дијабетесот може да влијаат на протокот на крв во гениталиите, што доведува до еректилна дисфункција.
„Од витално значење е да се обрне внимание на зачестеноста на еректилната дисфункција бидејќи тоа може да помогне да се спречат сериозни кардиоваскуларни проблеми“, рече д-р Абас Канани.
Наодите на Британската асоцијација на уролошки хирурзи покажуваат дека 90% од мажите кои патат од импотенција имаат барем една физичка причина за нивниот проблем. Во 40 проценти од случаите проблемот е предизвикан од кардиоваскуларни заболувања, додека во 33 проценти од случаите причината се сведува на дијабетес.
Импотенцијата може да биде и знак за невролошки состојби како Паркинсонова болест и мултиплекс склероза.