Килјан Мбапе, напаѓачот на Пари Сен Жермен, има убедливо најголеми примања меѓу фудбалерите во Европа.
Како што објави весникот L'Équipe, платата на Мбапе е речиси трипати поголема од палата на Хари Кејн.
Според францускиот дневен весник, Мбапе заработува шест милиони евра месечно, додека Кејн за 30 дена заработува 2,1 милиони евра.
Англискиот фудбалер всушност е најплатениот играч во Бундеслигата откако минатото лето дојде во Баерн.
Трет на листата на најплатени е играчот од средниот ред на Манчестер Сити, Кевин де Брујнe. Белгиецот во редовите на „граѓаните“ заработува 2,02 милиони евра месечно.
Зад него е соиграчот Ерлинг Холанд со заработка од 1,9 милиони евра, додека во Топ 5 е и Давид Алаба со 1,88 милиони евра. Алаба е најплатениот фудбалер во шпанската Ла Лига.
Следува Роберт Левандовски (Барселона) со 1,86 милиони, зад него се Мохамед Салах (Ливерпул) и Касемиро (Манчестер Јунајтед) со по 1,77 милиони евра.
Рафаел Варан, стоперот на Манчестер јунајтед има приход од 1,73 милиони евра, додека четворица играчи ја комплетираат Топ 10 со еднаква заработка и тоа Винисиус, Џуд Белингем (Реал), Илкај Гундоган (Барселона) и Јан Облак (Атлетико Мадрид) со 1,67 милиони евра.