Килјан Мбапе сè уште не постигнал договор со ПСЖ за нов договор.
Францускиот напаѓач сака да го напушти Париз и тоа би можел да го направи на два начина - со продолжување на договорот со спогодба за обештетување или да чека една година и да си замине како слободен агент.
Во моментов втората опција е поверојатно затоа што Мбапе постави само еден услов до ПСЖ во преговорите и веднаш беше одбиен. Еден од најдобрите напаѓачи во светот побара да биде вклучена клаузула во новиот договор, според која би можел да замине во Реал Мадрид со одредена отштета. Челниците на ПСЖ не сакаат ни да слушнат за ваков договор, бидејќи планираат да го градат тимот околу Мбапе во наредните години.
„Килијан ќе остане во Париз. Никогаш нема да го продадеме, ниту некогаш ќе си замине како слободен агент. Има сè што сака тука, кој клуб има амбиција како нас? Ова е неговата земја. Тој има мисија не само да игра фудбал, туку и да ги промовира француската лига, државата и Париз“, рече претседателот на францускиот клуб Насер Ал-Келаифи.
ПСЖ му плати 180 милиони евра на Монако за Мбапе, а постои можност 22-годишниот фудбалер следното лето да замине бесплатно во Реал. Тоа би бил тежок удар за парискиот клуб...
