Килјан Мбапе е под договор со Пари Сен-Жермен само за следната сезона.
Доколку не го продолжи, следната година ќе може да го напушти клубот без обештетување, а тоа е ситуација која францускиот шампион не сака да си ја дозволи. Затоа му постави ултиматум на Мбапе.
Еден од најдобрите фудбалери во светот ќе има рок до 31 јули да му каже на клубот дали има намера да го продолжи актуелниот договор. Доколку не се согласи со условите, ќе биде продаден.
Продолжувањето на договорот што Мбапе го потпиша минатата година му гарантира останување во клубот до летото 2024. Постои опција за продолжување на договорот за дополнителна сезона, но тој ќе одлучи дали ќе го активира или ќе го напушти клубот.
Сопствениците на ПСЖ се лути што Мбапе одбива да го продолжи договорот, а француски извори пишуваат дека најверојатно тоа го прави затоа што сака да го извлече максимумот од постоечкиот договор со ПСЖ, а потоа како слободен играч да се обиде да го добие секое евро надвор од договорот со новиот клуб.
Тековните преговори за продолжување не одат како што се надеваше ПСЖ, пренесува L'Equipe и додава дека во моментов клубот е поблиску до опцијата да го продаде Мбапе отколку до идејата да влезе во следната сезона со одличниот 24-годишен напаѓач.
Реал Мадрид сè уште се споменува како клуб во кој Мбапе би можел да игра кога ќе ја заврши кариерата во ПСЖ.
За францускиот тим одигра 260 натпревари, постигна 212 голови и асистираше на 98. Transfermarkt го проценува на 180 милиони евра.
