Дмитриј Медведев, поранешен претседател на Русија и заменик-шеф на рускиот Совет за безбедност, зборуваше по ракетните напади утринава низ Украина.
„Првата епизода е одиграна, а ќе има и други“, рече тој.
„Ќе го кажам мојот личен став. Не можам да не го спомнам сега. Украина во нејзината сегашна конфигурација со нацистичкиот политички режим ќе претставува постојана, директна и јасна закана за Русија. Затоа, покрај заштитата на нашиот народ и заштитата на границите на земјата, целта на нашите идни акции, според мене, треба да биде целосно разбивање на политичкиот режим на Украина“, рече Медведев на Telegram.
Да потсетиме, во понеделникот експлозии одекнаа ширум Украина, а големи штети претрпе главниот град Киев, како и некои градови на запад кои досега беа главно поштедени.
Украинските власти соопштија дека Русите нападнале цивилни цели, а според досегашните податоци најмалку 10 лица загинале, а 60 се повредени.
