Тренерот на Денвер Нагетс, Мајкл Мелоун, го критикуваше годинашниот Ол-стар натпревар.
Мелоун, како водечки тренер на Западот, го предводеше Тимот Леброн на НБА Ол-стар натпреварот во Солт Лејк Сити.
Тимот на Јанис Адетокунбо го победи тимот на Леброн со 184:175, а Мелоун е разочаран од квалитетот на играта.
„Чест е да се биде овде, да се биде дел од одличен викенд, да се водат големи играчи, но ова е најлошиот кошаркарски натпревар некогаш одигран“, рече Мелоун.
Мелоун забележал дека неколку кошаркари се обиделе да играат вистинска кошарка, но другите не следеле.
„Тие приредија шоу за навивачите, но ова беше тежок натпревар за издржување, нема да лажам. Не знам како, но нешто мора да се промени. Би ги издвоил Џоел Ембиид и Кајри Ирвинг кои се обидуваа да направаат нешто, се бореа, се обидуваа да играат одбрана“, додаде Мелоун.
Неговото мислење го поддржаа многумина кои веруваат дека Ол стар натпреварот стана „неподнослив за гледање“ поради недостатокот на натпреварувачки дух.