Mercedes веќе неколку месеци е во процес на освежување на својата понуда на теренци, а сега на ред дојдоа електричните кросовери EQA и EQB.
Надворешните промени се доста ограничени, со нови панели со црни ѕвезди напред, редизајнирани браници и нов дизајн на задните светла. Исто така, Mercedes подготви четири нови дизајни на тркала со големина од 18 до 20 инчи, како и две нови бои.
Во случајот со моделот EQA, малку повеќе се работеше на аеродинамиката, се гледа нов преден раб на лакови на задните тркала, како и мал гребен интегриран во задните светла, кој делува како мал спојлер. Овие две промени придонесуваат за зголемување на досегот до 560 км во случајот на моделот EQA 250+ со еден електромотор од 188 КС и погон на предните тркала. Овој модел доби поголема батерија со капацитет од 70,5 kWh. Остатокот од поставата користи батерија од 66,5 kWh, а таа понуда се состои од FWD 250 (188 КС), 300 4MATIC со два мотора (225 КС) и 350 4MATIC со три електрични мотори (288 КС).
Сите поддржуваат максимално еднонасочно полнење од 100 kW, а истите батерии и мотори се достапни за EQB освен за основната верзија 250. Моделот EQB 250+ има максимален домет од 536 км поради неговата „кутијаста“ форма.
Во внатрешноста има нов волан со „копчиња“ чувствителни на допир, како и ред други детали. Дел од стандардната опрема е централниот екран на допир од 10,25 инчи, како и Apple CarPlay и Android Auto системите. Исто така, подобрени се и камерите за помош при паркирање, а тоа важи и за сензорите кои овозможуваат функционирање на системот за одржување на возилото во лента. „Аудио искуството“ исто така е подобрено, така што оние што ќе ги купат поголемите електрични автомобили на Mercedes со опционалниот озвучен систем Burmester ќе можат да го подесат звукот на автомобилот на Silver Waves, Vivid Flux, Roaring Pulse и Serene Breeze.
EQB може да биде опремен и со кука, но мора да се нарача верзијата со пет седишта, а не верзијата со седум. Исто така, ќе може да влече 1.700 килограми дури и кога има погон на сите четири тркала.
