Американскиот рок-музичар Мерилин Менсон ги нарече обвинувањата за насилство – „страшно искривување на реалноста“.
Претходно, актерката Еван Рејчел Вуд, позната по серијата Westworld, го обвини Менсон за насилство, наведувајќи дека со години „ужасно ја злоставувал“ и дека не може повеќе да живее во состојба на страв и закани. Во знак на солидарност, најмалку уште четири жени ги споделија своите искуства, објави Vanity Fair.
Тие го обвинуваат Менсон за сексуално и психолошко насилство, како и за разни облици на принуда и заплашување.
„Очигледно, мојата уметност и мојот живот долго време беа контроверзни, но овие неодамнешни изјави за мене се страшно извртување на реалноста. Моите интимни врски отсекогаш биле во договор со истомисленици. Без оглед на тоа како и зошто другите сега избираат да го сменат минатото, тоа е вистината“, напиша Менсон на Instagram.
Продуцентската куќа Loma Vista Recordings претходно објави прекин на соработката со рокерот. Тој соработуваше со нив од 2015 година и издаде три албуми, од кои последниот – „We Are Chaos“ беше објавен во септември 2020 година.