Поранешната германска канцеларка Ангела Меркел предупреди дека сѐ што зборува рускиот претседател Владимир Путин треба сериозно да се сфати.
Меркел во говор на свечено отворање на фондацијата „Хелмут Кол“ нагласи дека тоа експлицитно се однесува и на нуклеарните закани на Путин.
-Сфатете ги зборовите сериозно. Немојте веднаш да ги отфрлате како блеф, туку сериозно да се соочите со нив. Тоа не е знак на слабост, туку доказ за политичко паметно дејствување, нагласи таа.
-Хелмут Кол би направил сѐ за да ги зачува и заштити суверенитетот и интегритетот на Украина, но никогаш нема да го изгуби од вид ’денот потоа’,“ истакна поранешната германска канцеларка.
Со ова Меркел индиректно го изрази ставот за ситуацијата во Украина.
По напуштањето на функцијата, таа кажа дека нема да коментира дневно-политички прашања, па затоа сега својот став го „исфилува“ во одговор за тоа како канцеларот Кол би одговорил на кризата во 2022 година.
Таа додаде дека Кол „паралелно секогаш ќе го земел предвид и тоа што во моментот изгледа незамисливо, а тоа е како да се обноват односите со Русија“.
