Лео Меси по седми пат ја освои Златната топка во Париз и заврши пред Роберт Левандовски.
По доделувањето на наградата, Аргентинецот организираше забава во близина на Ајфеловата кула, а на која беа поканети фудбалерите од ПСЖ со сопругите. На забавата единствено не беа присутни Мауро Икарди и Ванда Нара.
Според пишувањето на медиумите во Аргентина, Меси не ги поканил Икарди и Нара.
„Икарди не беше поканет на прославата на Меси за Златна топка“, напиша ТВ-водителот Анхел Брито на Twitter.
Икарди сепак им честиташе на колегите од ПСЖ. На Instagram објави честитка до Меси.
За потсетување, Икарди и Нара во последно време беа честа тема во медиумите поради брачни проблеми. Ванда кон средината на октомври го обвини сопругот за неверство и тоа го објави на Instagram.
По неколку турбулентни недели двајцата повторно се смирија.
