Фудбалерите на Интер Мајами го совладаа Њујорк Ред Бул на гости со 2:0, а еден од најдобрите играчи на сите времиња, Лионел Меси, го постигна својот прв гол во МЛС.
Досега Аргентинецот брилјираше во Лигс купот, а сега ја започна својата доминација и во најдобрата американска лига.
Овој дуел го почна од клупата, а без него на теренот Интер Мајами успеа да поведе преку Диего Гомес, а му асистираше Ноа Ален.
Меси во игра влезе во 60. минута и одигра навистина добро, но не успеа да постигне гол до самиот крај на натпреварот кога го покажа сиот свој талент.
Во 89. минута на спектакуларен начин го проигра Бенџамин Кремаски, овој веднаш му ја врати топката во петерецот каде Меси на празен гол не пропушти можност да реализира.
Наредниот предизвик за Меси и Интер Мајами е рано утрината на 31 мај кога во 1:30 часо ќе го пречекаат Нешвил.