Meta во наредните денови ќе ја укине функцијата која досега им овозможуваше на корисниците да се допишуваат со своите пријатели од социјалната мрежа Facebook на Instagram.
Компанијата ја воведе оваа можност во 2020 година, а сега без да наведе причина ќе ја исклучи интеграцијата меѓу платформите. Оваа одлука би можела да биде потег за избегнување на регулаторните последици во Европската Унија.
Интеграцијата меѓу платформите беше најавена во 2019 година и оживеа во 2020 година, со што се избришаа границите меѓу двете најпопуларни услуги на компанијата Meta. Но, Messenger и Instagram сега повторно се разделуваат, што значи дека нема да може да започнете нов разговор или преку Instagram да им се јавите на вашите пријатели на Facebook.
Оние кои имаат постоечки разговори со Facebook профили на Instagram ќе можат да ги задржат, но само во read-only верзија.
Покрај тоа, корисниците на Facebook повеќе нема да можат да го видат статусот на вашата активност, како и извештајот за прочитана порака.
Конечно, сите постоечки разговори со Facebook профили нема да бидат преместени во сандачето на ниту една платформа.