Кошаркарот на Кливленд Кавалирс, Донован Мичел, одигра феноменален натпревар во победата на неговиот тим над Чикаго Булс со 145:134, а на крајот постигна вкупно 71 поен и имаше 11 асистенции.
На овој натпревар победникот беше решен по продолжение, а за дополнителното време се избори токму Мичел, кој на 3 секунди пред крајот намерно промаши слободно фрлање, а потоа ја фати топката и постигна двојка за израмнување.
Ова беше првиот натпревар во историјата на НБА во кој играч постигнал дабл-дабл со повеќе од 70 поени, односно имал и најмалку 10 асистенции, а воедно стана само третиот играч овој век, по Коби Брајант и Девин Букер, кој постигнал над 70 поени во еден натпревар. Вкупно 7 играчи во историјата на НБА успеале да направат ваков подвиг.
Вилт Чејмбрлејн шест пати во кариерата постигна повеќе од 70 поени, а таков подвиг постигнаа и Дејвид Томпсон, Елгин Бејлор и Дејвид Робинсон.
Севкупно, Мичел имаше 22 уфрлувања од поле од 34 обиди, како и 7 од 15 обиди за 3 поени. Од линијата за слободни фрлања шутираше 25 пати, од кои 20 прецизно. Заедно со споменатите 11 асистенции имаше и 8 скока и беше на само два скока до остварување на неверојатен трипл-дабл учинок.
Сезонана Мичел одигра вкупно 33 натпревари и во просек постигнуваше по 28 поени, додека во НБА лигата има одиграно вкупно 378 натпревари и моментално има просек од 24,2 поени по натпревар.