Светската здравствена организација испрати научници да истражат мистериозна болест која досега однесе 89 животи.
Станува збор за Јужен Судан, а министерот за здравство на таа земја изјавил дека засега непозната болест убила неколку десетици пациенти во градот Фангак.
Она што дополнително ја комплицира ситуацијата е тоа што областа беше зафатена од една од најтешките поплави во историјата на земјата.
Како што пренесуваат светските медиуми, примероците на починатите претходно биле тестирани за колера и сите биле негативни.
„Одлучивме да испратиме брза екипа да оди и да ја процени ситуацијата и ризикот, како и да го истражи случајот. Ќе земат примероци од болните... Досега починаа 89 лица“, изјави Шила Баја од СЗО за BBC.
Баја изјави дека тимот дошол во Фангака со хеликоптер поради големите поплави, што ќе ги чека да ги врати во главниот град на Јужен Судан, Јуба.
Пороите доведоа до ширење на болести како маларија, а проблем е и гладот кај децата, бидејќи снабдувањето со храна е слабо.
Маките на локалното население не застануваат тука, бидејќи и нивната вода е загадена, пренесува Daily Mail.
Поради поплавите, нафтените полиња ја загадија водата, што доведе до изумирање на животните.