Доктор Сара Кајат во британската шоу-програма „This Morning“ откри неколку митови за здравјето во кои не треба да верувате, а се доста популарни.
Меѓу останатото, таа откри дека не мора да пиеме 8 чаши дневно вода и дека правилото за пет секунди не е точно.
Не треба да ги чистиме ушите
Во ушите има влакна кои го исфрлаат восокот, нема потреба да туркаме со памучни стапчиња навнатре за да ги исчистиме. Секој пат кога го правите тоа ризикувате повреда на слузницата и може да дојде до инфекција.
Не треба да пиеме 8 чаши вода дневно
Иако е важно да останеме хидратирани, приказната за 8 чаши вода во текот на денот е мит.
„Не можам да најдам никаков доказ дека треба да пиеме 8 чаши вода дневно. На тоа колку вода ви е потребно влијаат возраста, полот, нивото на физички активности, средината во која живеете и други параметри“, објаснува таа.
Не може да настинеме бидејќи ни е студено
Многумина веруваат дека изложувањето во текот на студено време може да предизвика настинки.
„За да настинете мора да се изложите на вирус. Значи, престојот во студено опкружување не е причина за настинка“, вели Кајат.
Правилото на пет секунди не е реално
Според правилото на пет секунди, храната што е падната на под може да ја јадеме ако не стои на подот подолго од 5 секунди. Но, тоа не е точно.
„Да, поголема е веројатноста дека храната ќе собере бактерии ако е подолго на подот. Но, тоа може да се случи и за секунда. Добрата вест е што ќе преживеете“, се пошегува таа.