Млада женска репрезентација на Македонија до 17 години забележа уште една многу значајна победа во рамките на квалификацискиот турнир што се одржува во Драч, Албанија, со што обезбеди пласман во А дивизијата на УЕФА и продолжување на квалификациите за пласман на ЕУРО 2023.
Во второто коло на квалификацискиот турнир, Македонија славеше минимална победа против Косово со 2:1.
Избраничките на Катерина Милеска имаа негатива од еден погодок, но успеаа да направат комплетен пресврт и да остварат победа, со која се искачивме на првото место во групата.
Во првото коло ја совладавме селекцијата на Албанија, домаќинот на овој турнир, со убедливи 5:2.
Селекцијата на Косово одлично го започна натпреварот. Елона Паци рано уште во 7. минута донесе предност за својот тим, но Емили Митковска најпрво во 35. минута погоди за израмнување на резултатот, а во 45+1 стрелаше за предност и победа на Македонија со 2:1.
На 24 октомври во последното коло играме против репрезентацијата на Молдавија која денеска претрпе катастрофа од Албанија губејќи со 9:1.
Табела по 2. коло:
- Македонија 6 7:3
- Косово 3 10:2
- Албанија 3 11:6
- Молдавија 0 1:18