Власта во Шпанија има намера да дава 250 евра месечно на секој млад човек кој има намера да го напушти родителскиот дом и да живее во изнајмен стан или куќа.
Ова на 5 октомври го соопшти премиерот Педро Санчес, зборувајќи за буџетот за следната година. ако парламентот го одобри буџетот, пари ќе добие секој кои има од 18 до 35 години и заработува помалку од 23.725 евра годишно.
На најзагрозените ќе им биде понудена и парична субвенција која изнесува 40% од вкупната кирија.
Според податоците на Еуростат за 2020 година, Шпанците во просек го напуштаат домот на 30 години, што е четири години подолго во однос на просекот во Европската Унија.
Инаку, станарина за гарсониера во Мадрид минатата година во просек изнесувала 1.000 евра месечно.
