Лука Модриќ е на залезот на својата кариера, а со тоа доаѓа и намалувањето на улогата во Реал Мадрид и сѐ погласни се шпекулациите за неговото заминување.
Модриќ наполни 35 години. Кога игра, тој игра одлично, но не може постојано да игра во тој ритам и Зинедин Зидан го истиснува од ударната постава.
Биологијата си го прави своето, барем ако ги прашате шпанските спортски новинари, па Fichajes пишува дека од овие причини Реал нема да му понуди на Модриќ нов договор и дека капитенот на хрватските „Огнени“ треба да се пресели „од другата страна на големата бара“.
Сѐ погласни се шпекулациите за трансфер на Хрватот во ЛА Глакси, каде отидоа многу ѕвезди во последните години, од Дејвид Бекам до Златан Ибрахимовиќ, а добар стимул се 10-те милиони евра што ги нуди Галакси. Ова би го направило Лука Модриќ најплатен играч во МЛС.
Ибрахимовиќ, кој исто така има балкански корени, дојде во ЛА Галакси во март, 2018 кога имаше 37 години. Славниот Ибра освен што постигна неверојатни резултати во американската лига, успеа да направи камбек во една од најсилните лиги во Европа и повторно да заигра за италијански Милан каде во моментов е најдобар стрелец во лигата и главен мотиватор во редовите на „росонерите“.
Дали Модриќ ќе ги следи стапките на Ибра и ќе игра активно и на прагот на 40-тата, останува да видиме.
