Новиот робот на Disney е така направен за да наликува на човек што е можно повеќе. Меѓутоа, за некои од нас, глетката ќе биде причина за кошмари.
Disney разви систем со кој хуманоидните роботи добиваат можност за „човечки погледи и движења“, наместо „бездушни погледи кои обично се поврзуваат со машините“, наведуваат од компанијата.
Сепак, овој робот предизвикува сосема спротивен ефект - наместо да ве натера да се чувствувате пријатно и да ве потсетува на човечка интеракција, поголеми се шансите дека ќе ве полазат морници од неговиот поглед.
Откако ќе ја надинете таа бариера, можеби дури и ќе ви се допадне технологијата што стои зад неа, пренесува Engadget. Имено, оваа машина има природни движења кои потсетуваат на човечки, на лицето можете даму забележите нешто што наликува на емоција, па дури и неговото тело се движи така што тој имитира дишење.
Можеби не би било лоша идеја Disney да го „облече“ својот робо-човек во нешто слично на кожа, чисто за да не ги набркува посетителите наместо да ги привлекува во своите познати тематски паркови.
Како изгледа и се однесува роботот, можете да видите на видеото подолу.