Тимот на Жозе Мурињо се наоѓа пред голем предизвик бидејќи утре има тешко гостување во Бергамо кај силната Аталанта, тим за кој португалскиот стратег не трошеше пофални зборови.
„Постои фундаментална разлика помеѓу мене и Гасперини: тој во Аталанта работи веќе 6 години, а јас сум во Рома 6 месеци“, почна Мурињо прашан од новинарите која е разликата помеѓу неговиот тим и утрешниот противник.
Нормално, кога Мурињо ќе почне да одговара на прашање, одговорот често знае да се претвори во цела една лекција, што беше случај и на денешната официајлна прес-конференциј.
„Тоа не значи само повеќе тренинг сесии, туку и 12 трансфер периоди наспроти еден. Аталанта се фантастичен клуб, многу стабилен. Ги знаев како просечен тим од средината на табелата, но сега редовно се во Лигата на шампионите и се во игра за Скудетото“.
Аталанта сезонава можеби не успеа да ја мине групата од Лигата на шампиони, но ќе продолжи во Лига Европа, а во Серија А успеа да фати приклучок кон водечните Интер, Милан и Наполи.
„Ние сме под нов сопственик кој според мене работи одлично, кој во летниот преоден рок мораше да вложи дополнителен напор на трансфер пазарот. Минав многу години во клубови со тотално различен менталитет, на кои сѐ им беше од денес за денес, без да мислат на иднината“, уверува Мурињо дека клупската управа одлично си ја врши работата работејќи на долги патеки.
„Постои значителна разлика помеѓу двата клуба, но постои и нешто за кое воопшто не се двоумам: можеме да ги победиме. Фудбалот е фудбал, имаме талентирани играчи, фантастичен тимски дух и ќе одиме на победа“.
„Доколку ми понуди некој реми во Бергамо без игра, нема да прифатам. Сакам да се предзивикам самиот себе против Аталанта, со почит и восхит кон нивната работа“, заврши тој.
Натпреварот се утре од 15:00 часот на „Гевис“ стадионот во Бергамо. Ќе суди Масимилиано Ирати. Аталанта во ова 18. коло влегува како трета со 37 бода, а Рома е шеста со 28.