Томас Тухел и Карло Анчелоти ги одредија почетните 11 со кои ќе истрчаат на големото полуфинално дерби во Лигата на шампионите.
Домаќинот Баерн ќе истрча со Мануел Нојер на голот, во одбраната Ерик Даер, Матајс Де Лихт, Ким Мин-џе и Нусаир Мазрауи, во средината Јосуа Кимих, Конрад Лајмер и Леон Горецка, по крилните позиции Лирој Сане и Џамал Мусиала, а напред истурен Хари Кејн.
Гостите од Мадрид ќе настапат со: Андриј Лунин на голот, Лукас Васкес, Антонио Ридигер, Начо Фернандес и Ферлан Менди во одбраната, Федерико Валверде, Орелјан Чуамени и Тони Крос во средина и во нападот Џуд Белингам со Родриго и Винисиус Жуниор.
Главен судија е Клемeн Турпан од Франција, а ќе му помагаат сонародниците Никола Дано и Бенжаман Паж, додека четврти судија е Сандро Шерер од Швајцарија. Во ВАР собата главен ќе биде Жерон Бризар, а ќе му асистира Вили Делажод, двајцата од Франција.
Директен пренос за територијата на Македонија ќе оди на Arena Premium 1 (21 ч.).