Тренерот на Тотенхем, Жозе Мурињо, оцени дека на лондонскиот премиерлигаш му претстои уште потешка сезона по пласманот во нокаут фазата во Лига Европа.
Натпреварите во Лига Европа ќе се играат кон средината на февруари, а во меѓувреме, Тотенхем целосно ќе се фокусира на шампионските амбиции во Премиерлигата, каде го очекуваат седум натпревари во три недели.
-Дали со толку многу натпревари ќе мора да ги ротирам фудбалерите? Се разбира, невозможно е фудбалер да одигра толку многу натпревари во така краток период, изјави Мурињо.
По 11 кола во Премиерлигата, Тотенхем е лидер со 24 бодови, колку што има и второпласираниот Ливерпул, а во недела го очекува гостување кај градскиот ривал Кристал Палас.