МЗТ триумфално низ Битола во дербито на колото во домашната лига

Кошаркарите на македонскиот шампион МЗТ вечерва во Битола го совладаа Пелистер во дербито на 11-тото коло со 83:79, што беше и последен натпревар од ова коло.

Победникот во салата „Боро Чурлевски“ беше решен по неизвесен финиш. Пелистер првата четвртиан ја доби со 10 разлика (26:16), а скопјани потоа во наредните две направија пресврт и со 67:64 влегоа во последната четвртина.

Најзаслужни за победата на гостите беа Бојан Крстевски и Мајкл Кефи со по 22 поена, додека Александар Бурсаќ уфрли 19.

Кај домашните битолчани Сеад Хаџифејзовиќ и Донтај Карутерс беа најефикасни со по 20 поени.

МЗТ со 10 победи и само 1 пораз е лидер на табелата. Пелистер е на втората позиција со 8 победи и 3 порази, скор каков што има и третопласираниот Гостивар.

Табела:

1. МЗТ 21
2. Пелистер 19
3. Гостивар 19
4. ТФТ 18
5. Работнички 18
6. Феникс 17
7. Еуро Никел 17
8. Кожув 14
9. Чаир 2030 14
10. ФМП Академија 14
11. Куманово 13
12. Струмица 13