Денеска е одлучувачкиот ден кога е во прашање сагата околу Килјан Мбапе и француски ПСЖ.
Францускиот клуб на почетокот на јули му постави ултиматум на Мбапе, кој се сведува на тоа дали ќе го продолжи договорот или не.
Рокот истекува вечерва на полноќ, а доколку остане на ставот дека не сака да го продолжи договорот, ќе има само две опции, од кои пореална е дека цела сезона ќе ја помине на трибини и потоа ќе го напушти клуб како слободен играч на крајот од сезоната.
Имено, доколку остане играч на ПСЖ до 1 август, Мбапе ќе добие 80 милиони евра во вид на бонус за лојалност. Тоа воопшто не му се допаѓа на првиот човек на ПСЖ, Насер Ал-Хелаифи, бидејќи не сака да плаќа толку многу пари на играч кој ќе има само уште една сезона во тимот.
Не е тајна дека стрелецот на 212 гола кој асистираше за 98 гола во 260 натпревари за ПСЖ веќе се договорил со Реал Мадрид, а тоа е нешто што воопшто не му се допаѓа на Ал-Хелаифи.
Богатиот Катарец му даде рок до вечерва да потпише нов договор, во спротивно ќе седи цела сезона на трибините.
Секако, постои и можност ПСЖ да го продаде, но од Реал бараат дури 250 милиони евра, што е цифра со која кралскиот клуб не сака да се согласи.
Да потсетиме, претходно ПСЖ прифати 300 милиони за Мбапе од Ал Хилал, но Французинот не сакаше да прифати едногодишен договор од саудискиот клуб „тежок“ од 700 милиони евра.