Во повеќе градови и населени места, како и на планините утрово беа измерени минусни температури. Најниска беше температурата на Попова Шапка, 12 степени Целзиусови под нулата.
Во Маврови Анови беа измерени -7 степени, во Берово и Крушево -6, во Дебар -4, во Струмица и во Охрид -3, во Прилеп, Претор и Крива Паланка -2, во Битола и Виница -1, во Куманово, Штип и Тетово 0 степени, во Скопје-Зајчев Рид и Скопје-Петровец 1 степен, во Демир Капија, Дојран и Гевгелија 2 степена.
Најмногу снег од 76 сантиметри има на Попова Шапка, во Маврови Анови 16, во Лазарополе 10, во Крушево 6 и Ѓуриште 3.
Утрово на повеќе места е значително облачно, а делумно намалена облачност има во јужните делови.
Времето денеска ќе биде променливо облачно и студено, наместа со сончеви периоди. Ќе дува слаб до умерен ветер од северозападен правец. Максималната температура ќе биде во интервал од 1 до 9 степени.
Во Скопје ќе биде променливо облачно, попладне облачноста ќе се намали. Ќе дува слаб до умерен ветер од северозападен правец. Максималната температура ќе достигне 5 степени.
