На секои шест секунди се уништува прашума со големина на фудбалско игралиште

МИА/КАЈГАНА
/ 07.06.2020 / 10:55

Огромни подрачја од исконските прашуми минатата година се претворија во чад, а подрачје со големина на Швајцарија беше исечено за да се направи место за одгледување стока и комерцијални посеви, соопштија научниците.

Сателитските снимки покажуваат дека една третина од загубите се во Бразил, а Демократска Република Конго и Индонезија се на второ и трето место, соопшти организацијатра Global Forest Watch.

Минатата година се уништени 38.000 квадратни километри прашума, што е еквивалент на површината на фудбалско игралиште на секои шест секунди.

Вкупното подрачје на тропските шуми уништени во пожарите и со булдужерите, всушност, лани е трипати поголемо, но посебно се скапоцени примарните девствени шуми, односно прашумите што ги создаде природата и кои се развиваат без никакво влијание на цивилизацијата.

Недопрени од модерниот развој, тие се засолниште на разновидни диви животни и во себе „заклучуваат“ огромни количества јаглерод. Кога горат, јаглеродот оди во атмосферата како штетен CO2.

– Ако отсега никој не би ги допрел, на шумите ќе им бидат потребни децении, дури и векови да се обноват во изворната состојба, изјави Микела Вајс од Global Forest Watch.

Шумските пожари што минатата година проголтаа делови од Бразил ги полнеа насловните страници на светските медиуми, но тие не се главна причина за дефорестација на исконските прашуми. Примарен проблем е илегалната сеча, најчесто во подрачја што се населени од автохтони народи.

А, тоа беше многу пред претседателот Жаир Болсонаро да најави ублажување на законите, со цел во заштитените подрачја да се олесни комерцијалното рударство и земјоделство, како и експлоатација на нафта и гас. Сето тоа би можело дополнително да ја прошири дефорестацијата.

Но, во Индонезија минатата година се уништени пет отсто помалку шуми, нешто повеќе од 3.000 квадрартни километри, што трета година по ред бележи пад и речиси трипати помалку од 2016 година, кога беше најлоша ситуацијата.

– Индонезија е една од ретките светли точки во глобалните податоци во тропската дефорестација во последните неколку години, посочи Вајс.

Тропските системи се ранливи на климатските промени и експлоатацијата. Според студијата од март, Амазонската прашума се приближува на прагот на дефорестација од каде што нема веќе враќање, ќе се преообрази во аридна савана за само половина век.

Други земји кои минатата година изгубија најмногу примарни девствени прашуми се Перу, Малезија, Колумбија, Лаос, Мексико и Камбоџа.

Remote video URL
реклама

Забрзано опаѓа бројот на заразени во Шведска, епидемиолозите не знаат точно зошто

Read more

Не е до оргазмот: Зошто сексот нѐ прави среќни?

Read more

Кацин: Словенија има добра епидемолошка ситуација, но проблем се младите

Read more

Нов Зеланд по 102 дена има 4 новозаразени, веднаш воведен карантин

Read more

Наука

Што е амониум нитрат – соединението што наводно го крена Бејрут во воздух?

Read more

Вакцината на „Novavax“ против COVID-19 успешно произвела антитела

Read more

Јапонци измислија маска која преведува на осум јазици

Read more

СЗО: Новиот коронавирус најверојатно потекнува од лилјаците

Read more

Гик

TikTok ги претстави првите креатори на кои ќе им плаќа за видео содржини

Читај повеќе
  • filter

Еколошка катастрофа: Насуканиот танкер во Маврициус би можело да се преполови

Читај повеќе
  • play_arrow

25 најдобри Single Player видеоигри во 2020

Читај повеќе

Twitter сака да ја купи TikTok и да ги преземе американските операции

Читај повеќе

Сенатот го поддржа Трамп: Едногласно гласаше за забрана на TikTok

Читај повеќе
  • play_arrow

SpaceX лансираше ракета со нови Starlink сателити

Читај повеќе

Богатството на Марк Закерберг порасна на 100 милијарди долари

Читај повеќе

На Арктикот исчезнаа две санти мраз стари 5.000 години

Читај повеќе

Постапката за одобренија за 5G во Македонија ќе почне до крај на годината преку аукција

Читај повеќе