Јајцата се една од најчестите намирници за појадок. Тие се добар извор на протеини, здрави масти и витамини, но начинот на кој ги јадете може да биде штетен за вашето здравје.
Спротивно на некои верувања, јајцата се многу здрави, а едно кокошкино јајце со просечна големина содржи околу 72 калории, 7 грама протеини, околу 5 грама масти и е одличен извор на фолати и витамин Д.
Докторката Келјан Петручи особено го нагласува соединението холин кое се наоѓа во јајцата, кое помага да се изградат силни клеточни мембрани, а исто така е добар за развојот на нашиот мозок бидејќи може да спречи депресија, губење на меморијата и анксиозност. Јајцата содржат и рибофлавин, железо, цинк, фосфор и витамини А, Б6 и Б12.
Исто така, го посочи митот дека прекумерното консумирање јајца може да го зголеми нивото на холестерол.
Сепак, Петручи предупредува дека има две работи на кои мораме да внимаваме додека готвиме јајцата наутро бидејќи тоа може негативно да се одрази на нашето здравје.
Првото е поочигледно, и тоа е она со што ги комбинираме. Докторката предупредува да се биде внимателен за појадок при комбинирањето на јајца со месо со висок натриум и заситени масти, како што е колбасот, бидејќи преработеното месо носи цела низа здравствени ризици кои лесно се акумулираат ако се дел од вашата редовна рутина.
Таа, исто така предупредува дека е важно да бидете сигурни дека ги готвите вашите јајца со висококвалитетни масти. Советуваше кога пржите јајца да користите висококвалитетни масти како органски путер, а не сончогледово масло.