Шпанскиот тениски великан синоќа по двомесечна пауза одигра натпревар, но се соочи со експресна елиминација.
Рафаел Надал немаше играно од почетокот на септември кога испадна во осминафиналето на УС опен, а вториот тенисер во светот во моментов и воедно втор носител на мастерсот во Париз, беше слободен во првото коло од овој турнир.
Во второто коло се соочи со Томи Пол, рангиран на 31. место на АТП, и загуби со 2:1 во сетови.
Американецот направи големо изненадување славејќи победа после 2 и пол часа игра. Рафа првиот сет го реши во своја полза со 6:3, а потоа Пол успеа да ги добие наредните два со 7:6(4) и 6:1 и обезбеди место во осминафиналето.
Пол во наредното коло ќе игра против Пабло Карењо-Буста, додека Надал ќе се подготвува за завршниот мастерс кој почнува на 14 ноември во Торино.
