Наја Ривера се удавила за неколку минути, покажа официјалниот извештај

Актерката Наја Ривера беше погребана на 24 јули во меморијалниот парк Форест Лон во Лос Анџелес.

Ривера беше официјално прогласена за мртва на 13 јули, пет дена откако исчезна во водите на езерото Пиру во Вентура Каунти, Калифорнија.

Во официјалниот извештај на судскиот вештак стои дека причината за смртта на Ривера (33) е „давење“ и дека актерката се удавила за само неколку минути.

Исто така се нагласува дека немало никакви други околности што придонеле за нејзината смрт.

Ривера изчезна откако заминала на патување со изнајмен брод во езерото Пиру во Вентура Каунти, Калифорнија. Таа изнајмила брод на три часа и испловила заедно со четиригодишниот син Џоси Дорси.

„Тој и Наја заедно пливале во езерото“, изјави шерифот на Вентура Каунти, Бил Ајуб.

„Детето ни изјави дека Наја му помогнала да се качи на бродот“, додаде шерифот и објасни дека детето потоа им кажало на детективите дека се свртело назад и ја видело мајка си како исчезнува под површината на водата.

„Сметаме дека собрала доволно енергија да го врати детето на бродот, но не и да се спаси себе си“, рече шерифот.

Откако истекло времето на изнајмување на бродот, вработените во агенцијата го нашле бродот на северната страна на езерото, а Џоси бил внатре, заспан, со елек за спасување на себе. Елек за спасување во величина за возрасен, за кој се смета дека бил на Ривера, бил најден на бродот.

Веднаш беше почната истрага и акција за пребарување, но полицијата веднаш се посомнева дека актерката починала во „страшна несреќа“.

На 13 јули спасувачите извлекоа тело од езерото, најдено на дното, заплеткано во подводни грмушки. Подоцна беше потврдено дека телото е на Наја Ривера.

Во езерото Пиру имало неколку случаи на давење во изминативе години и отворена е петиција да се воведе забрана за пливање.

Ривера се прослави со улогата на Сантана Лопез во популарната серија „Glee“ и стана еден од ТВ-симболите на ЛГБТ заедницата откако нејзиниот лик се изјасни како геј во епизодата „I Kissed a Girl“ во 2011 година. Ривера продолжи да ја поддржува и охрабрува ЛГБТ заедницата и во својот приватен живот.

На 2 јули Ривера објави селфи на Instagram со порака што од оваа перспектива звучи како предвесник на трагичниот настан: „Без разлика каква е годината, какви се околностите или проблемите со кои се соочувате, секој ден е благослов. Искористете го до максимум овој ден и секој ден што ви е даден. Никој не може да ни вети дека ќе има утре.“

Тагови
реклама

Кејот на Вардар имал калдрма...

Read more

Што открива бојата на столицата за вашата здравствена состојба?

Read more

Научниците шокирани: Една болест води кон имунитет на COVID-19

Read more

Што ќе се случи во вашиот организам ако редовно користите куркума?

Read more

Филм & ТВ

Втор трејлер за анимираната авантура „Over The Moon“

Read more

Netflix го објави официјалниот трејлер за хорор-серијата „The Haunting of Bly Manor“

Read more

Топ 20 ликови на вонземјани на сите времиња

Read more

Ако ја сакавте „Vikings“, ќе ја обожавате историската сага „The Barbarians“

Read more

Сцена

  • play_arrow

Втор трејлер за анимираната авантура „Over The Moon“

Читај повеќе
  • play_arrow

Netflix го објави официјалниот трејлер за хорор-серијата „The Haunting of Bly Manor“

Читај повеќе
  • play_arrow

Топ 20 ликови на вонземјани на сите времиња

Читај повеќе
  • play_arrow

Ако ја сакавте „Vikings“, ќе ја обожавате историската сага „The Barbarians“

Читај повеќе
  • play_arrow

Netflix го објави морничавиот трејлер за филмот „Cadaver“

Читај повеќе
  • play_arrow

Нови авантури на праисториското семејство во трејлерот за „The Croods: A New Age“

Читај повеќе

Што ќе гледаме вечерва на Синедејс?

Читај повеќе
  • play_arrow

Седумгодишната Лена напиша искрена критика за „Стела“

Читај повеќе

Публиката одлучи: Кој е најомилениот лик од ТВ-серии?

Читај повеќе