Надзорните камери често снимаат кражби, а BBC објави компилација од некои кои се навистина бизарни.
Станува збор за кражби кои се случиле во САД во текот на 2023 година, а според видеата може да се заклучи дека се доста „чудни“.
Компилацијата прикажува кражба на статуа на горила тешка 68 килограми, вотка и сок од портокал, детски играчки, електричен скутер, Hermes покривки во вредност од 5.000 долари, пратки, мебел, па дури и растенија.
Исто така, имало и чудно маскирани крадци, еден носел картонска кутија на главата, додека друг бил облечен во костим на зајак.
На едно од видеата се гледа како маж се спријателува со „најлошото куче чувар“ пред да украде велосипед од гаражата на неговиот сопственик.