Нутриционистите Клои Меклеод и Џесика Спендлов сметаат дека исхраната пред тренинг е подеднакво важна како и самиот тренинг. Додека некоја храна ќе ве исполни со енергија и ќе бидете побрзи и поупорно ќе тренирате, постои и храна која подолго се вари во желудникот.
За Bed Threads тие објаснија дека постојат два клучни фактори кои влијаат дали треба да јадете одредена храна или треба да ја одбегнувате пред вежбање. Тука се клучни влакната и мастите.
„Храна со висок процент на масти, без разлика дали се здрав или заситени и трансмасти, е богата со енергија па потребно е повеќе време за варење. Тоа значи дека подолго ќе за задржи во желудникот, што доведува до чувство на мачнина среде тренинг. Можеби мислите дека влакната се здрави, но ако се консумираат пред тренинг се зголемува ризикот од дигестивни проблеми“, вели Клои.
Советува пред тренинг да избегнувате брокула, карфиол, грав, леќа, пица, чипс, пржена храна, алкохол, сè што е зачинето и кисело.
Од друга страна, јаглехидратите се клучен извор на енергија и добро е да ги консумирате пред повеќето тренинзи.
Се препорачува да се јаде овесни каши, зеленчукови супи, сендвичи со пилешко, житарки со јогурт и овошје, овошни салати, смути и слично. Јадењето пред тренинг помага да се смири желудникот и неговите сокови да спречат глад. Секогаш треба нешто да каснете половина час пред вежбање бидејќи тоа ќе помогне во спречување на мачнина во текот на тренингот.
